ലോകപ്രശസ്തചിത്രകലാപ്രതിഭകളെ പൊന്ന്യം ചന്ദ്രൻ പരിചയപ്പെടുത്തുന്ന പംക്തി ‘നിറങ്ങൾ തൻ നൃത്തം ‘
കൂത്തുപറമ്പ് സ്വദേശിയായ കെ ജി സുബ്രഹ്മണ്യൻ കൽക്കത്തയിലെ ശാന്തിനികേതനിൽ നിന്നും കലാ പരിശീലനം നേടുകയായിരുന്നു. ചിത്രകാരൻ ശില്പി. ബുക്ക് ഡിസൈനർ. കുട്ടികളുടെ പുസ്തകങ്ങൾക്കു ചിത്രരചന എന്നീ മേഖലകളിൽ അതുല്യ പാടവം പ്രകടമാക്കിയ പ്രതിഭാശാലിയാണ് കെ ജി സുബ്രഹ്മണ്യൻ.
ശാന്തിനീകേതനിൽ കെ ജി എസ് രചിച്ച ഇരുനില കെട്ടിടത്തോളം ഉയരമുള്ള ചുവർ പെയിന്റിംഗ് ഇന്നും ശാന്തിനീകെതന്റെ ആകർഷകവും പഠനാർഹവുമായ രചനയാണ്. ദേശീയപ്രസ്ഥാനത്തിന്റെ ഭാഗമായി സ്വാതന്ത്ര്യ സമരത്തിൽ പങ്കാളിയായ അദ്ദേഹത്തെ അറസ്റ്റ് ചെയ്തു ജയിലിൽ അടച്ചിരുന്നു.
ചിത്രങ്ങളിൽ ഏറെയും ബ്രൗൺ നിറത്തിന്റെ വകഭേദങ്ങൾ ആയിരുന്നു ഉപയോഗിച്ചത്.. എല്ലാ ക്യാൻവാസുകളിലും വക്രീകരിക്കപ്പെട്ട ( dislocated)മനുഷ്യ രൂപ രചന കാണാം. പത്മവിഭൂഷൻ വരെ നൽകി രാജ്യം ആദരിച്ചിരുന്നു.
