The coppersmith barbet, crimson-breasted barbet, coppersmith എന്നും പേരുകളുള്ള ചെമ്പുകൊട്ടി (Psilopogon haemacephalus), ചെമ്പിൽ കൊട്ടുന്നതുപോലെയുള്ള താളാത്മകമായ വാദ്യശബ്ദത്തിനു പേരുകേട്ട ഒരു ഏഷ്യൻ ബാർബെറ്റാണ്. ഇന്ത്യൻ ഉപഭൂഖണ്ഡത്തിലും തെക്കുകിഴക്കൻ ഏഷ്യയുടെ ചില ഭാഗങ്ങളിലും സ്ഥിരമായി കാണപ്പെടുന്ന ഒരു പക്ഷിയാണിത്. 1776-ൽ ജർമ്മൻ ജന്തുശാസ്ത്രജ്ഞനായ Philipp Ludwig Statius Müller (1725 –1776) ആണ് ഇതിനെ ആദ്യമായി രേഖപ്പെടുത്തിയത്.
ബാർബെറ്റുകളുടെ Molecular phylogenetic ഗവേഷണത്തിന്റെ ഫലമായി Psilopogon എന്ന പഴയ ശാസ്ത്രീയ നാമം പുനഃസ്ഥാപിക്കുകയുണ്ടായി. 2014 വരെ 9 ഉപജാതികളെ അംഗീകരിച്ചിട്ടുണ്ട്. ഇവിടെ കാണപ്പെടുന്ന ഉപജാതിയായ Psilopogon haemacephalus indicus വടക്കുകിഴക്കൻ പാകിസ്ഥാൻ മുതൽ ശ്രീലങ്ക, ചൈന, വിയറ്റ്നാം, സിംഗപ്പൂർ വരെ കാണപ്പെടുന്ന ഒന്നാണ്. ഇവ പഴങ്ങൾ (fruits, berries and drupes)എന്നിവയും, പൂക്കളുടെ ചില ഭാഗങ്ങളും, ഇയ്യാംപാറ്റയടക്കം ചില പ്രാണികളും ഭക്ഷിക്കുന്നു. പാട്ടുപാടൽ, തൊണ്ട വീർപ്പിക്കൽ, തലയും വാലും താളത്തിൽ ആട്ടൽ, ആചാരപരമായ ഭക്ഷണം നൽകൽ, പരസ്പരം പേനെടുക്കൽ മുതലായവയാണ് ഇവയുടെ പ്രണയചേഷ്ടകൾ. ആണും പെണ്ണും ചേർന്ന് ഒരു മരത്തിനുള്ളിൽ ദ്വാരങ്ങൾ ഉണ്ടാക്കി കൂടുണ്ടാക്കുന്നു, മുട്ടകൾ വിരിയിക്കുന്നതിലും കുഞ്ഞുങ്ങൾക്കു ഭക്ഷണം നൽകുന്നതിലും ഊഴമെടുത്ത് സഹകരിക്കുന്നു.
