ലോകപ്രശസ്ത ചിത്രകലാപ്രതിഭകളെ പൊന്ന്യം ചന്ദ്രൻ പരിചയപ്പെടുത്തുന്ന പംക്തി ‘നിറങ്ങൾ തൻ നൃത്തം.
ജോൺ മിറോ എന്ന സ്പാനിഷ് ചിത്രകാരന്റെ പെയിന്റിംഗ്. ചിത്രകലയോട് ചെറിയ പ്രായത്തിൽ തന്നെ താല്പര്യം ഉണ്ടായിരുന്നെങ്കിലും കുടുംബത്തിന്റെ ബിസിനസ്സ് കാര്യങ്ങളിൽ ശ്രദ്ധിക്കേണ്ടി വന്നു. പിന്നീട് ചിത്രകല ഗൗരവമായി പഠിക്കുകയും സ്പെയിനിലെ ദേശീയ പ്രദർശനത്തിൽ പങ്കെടുക്കുകയും ചെയ്തു. പിന്നെ ഫ്രാൻസിൽ താമസം തുടങ്ങി.
അബോധമനസ്സിലെ ആശയങ്ങൾക്ക് രൂപവും നിറവും പകർന്ന അദ്ദേഹത്തിന്റെ ചിത്രങ്ങളിൽ വാൻഗോഗ്. വാസിലി കണ്ടിൻസ്കി. സെസ്സാൻ തുടങ്ങിയവരുടെ ചിത്രങ്ങൾ ഏറെ സ്വാധീനിച്ചിട്ടുണ്ട്. ചിഹ്നങ്ങളുടെ ചേർത്തു വെപ്പിന് പകരം അത് വികേന്ദ്രീകരിച്ചു രേഖപെടുത്തുന്ന സ്വഭാവം ചിത്രങ്ങളുടെ പ്രത്യേകതയാണ്. 1893 ൽ ആണ് ജോൺ മിറോ ജനിച്ചത്.
