ലോകപ്രശസ്തചിത്രകലാപ്രതിഭകളെ പൊന്ന്യം ചന്ദ്രൻ പരിചയപ്പെടുത്തുന്ന പംക്തി ‘നിറങ്ങൾ തൻ നൃത്തം ‘
സ്വിറ്റ്സർലാൻഡ് കാരനായ ചിത്രകാരനും ശില്പിയുമാണ് ആൽബട്ടോ ജിയാക്കോമെറ്റി . 1901 ൽ ജനിച്ച അദ്ദേഹം ഇരുപതാം നൂറ്റാണ്ടിന്റെ വിദഗ്ധനായ ശിൽപ്പി എന്ന പെരുമ ആർജിച്ചു .
തന്റെ രചനകളെ ദയാരഹിതമായി വിമർശിക്കാൻ അദ്ദേഹം തയ്യാറായി.അതുകൊണ്ട് തന്നെ പലപ്പോഴും അദ്ദേഹം തന്റെ പല രചനകളും തകർക്കുകയും പുതുക്കുകയും ചെയ്തുകൊണ്ടിരുന്നു.മനുഷ്യ രൂപങ്ങൾ സാധാരണയിലും എത്രയോ ഉയരം കൂടിയ രീതിയിൽ ആണ് അദ്ദേഹം നിർമിച്ചത്. തന്നേക്കാൾ വലിയവരായി മറ്റുള്ളവരെ കാണാൻ കഴിയുന്ന സുമനസ്കർക്കേ ഇങ്ങനെ ഉയരം കൂടിയ മനുഷ്യരെ വരക്കാനും ശിൽപ്പപ്പെടുത്താനും കഴിയൂ.. നമ്പൂതിരിയുടെ ചിത്രങ്ങളും കെ എസ് രാധാകൃഷ്ണന്റെ ശില്പങ്ങളും ഇതാണ് തെളിയിക്കുന്നത്. 1922 മുതൽ ദീർഘകാലം കലാ പ്രവർത്തനത്തിന്റെ ഭാഗമായി ഫ്രാൻ‌സിൽ ഇദ്ദേഹം ഉണ്ടായിരുന്നു.
